Sunday, August 28, 2011

മദ്യപിച്ച് വാഹനമോടിക്കരുത്

ഇത് വെറും കഥയാണോ?!
ഞാന്‍ മാര്‍കറ്റിലൂടെ വലിച്ചു നടക്കുകയായിരുന്നു. പെട്ടെന്നാണു ഒരു കടയുടെ മുന്നില്‍ വില്പനക്കാരനും ചെറിയൊരു പയ്യനുമായുള്ള സംഭാഷണം ശ്രദ്ധിക്കാനിടയായത്. ഒറ്റ നോട്ടത്തില്‍ 5 വയസ്സു തോന്നിക്കുന്ന ഒരാണ്‍കുട്ടി. ഇടതുകൈയില്‍ ഒരു ഡോള്‍ ഭദ്രമായി പിടിച്ച് വലതുകൈയിലെ പണം കാട്ടി അവന്‍ വില്പനക്കാരനോട് വാശിപിടിക്കുന്നതായി എനിക്കു തോന്നി.
“മോനേ... മോന്‍റെ കൈയിലെ പണം ഈ ഡോള്‍ വാങ്ങാന്‍ തികയില്ലല്ലോ”
വില്പനക്കാരന്‍ വാത്സല്യത്തോടെ തന്നെയാണ് പറയുന്നത്. എന്താണു കാര്യമെന്ന് തിരക്കാന്‍ ഞാന്‍ അവരുടെ അടുത്തേക്ക് നടന്നു.
അടുത്തേക്കെത്തും മുംബ് തന്നെ കുട്ടി എന്നിലേക്ക് തിരിഞ്ഞു ചോദിച്ചു.
“അങ്കിള്‍, എന്‍റെ കൈയിലെ പണം ഈ ഡോള്‍ വാങ്ങാന്‍ തികയില്ലേ?”
ഞാന്‍ വെറുതെ കുട്ടിയുടെ കൈയിലെ പണം എണ്ണി നോക്കി. ഒപ്പം കുട്ടിയുടെ പോക്കറ്റുകളും പരിശോധിച്ചു. ചിരിച്ചുകൊണ്ട് മറുപടി പറഞ്ഞു.
“ഇല്ല മോനേ... മോന്‍റെ കൈയിലെ പണം ഈ ഡോള്‍ വാങ്ങാന്‍ തികയില്ലല്ലോ”
അതുവരെ നിറഞ്ഞു നിന്നിരുന്ന അവന്‍റെ കണ്ണുകളില്‍ നിന്ന് കണ്ണുനീര്‍ കവിളിലൂടെ താഴ്ന്നിറങ്ങി. ആ കണ്ണുനീരിന്‍റെ മറവിലൂടെ അവന്‍ പറയുന്നുണ്ടായിരുന്നു.
“അങ്കിള്‍, ഞാന്‍ എനിക്ക് വേണ്ടിയല്ല ഈ ഡോള്‍ വാങ്ങുന്നത്, എന്‍റെ പുന്നാര പെങ്ങള്‍ക്ക് വേണ്ടിയാണു. അവള്‍ ഒരുപാട് ഇഷ്ടപ്പെട്ട ഡോളാണിത്. അവളുടെ ബര്‍ത്ത്ഡേക്ക് ഗിഫ്റ്റ് നല്‍കാനാണു ഞാനിത് വാങ്ങുന്നത്. ഇത് കിട്ടാന്‍ അവള്‍ ഒരുപാട് കൊതിച്ചിരുന്നു. അതിനിടയില്‍ അവള്‍ ദൈവത്തിന്‍റെ അടുത്തേക്ക് പോയി. എന്‍റെ അമ്മയും ഉടന്‍ ദൈവത്തിന്‍റെ അടുത്തേക്ക് പോകുമെന്നും അച്ഛന്‍ എന്നോട് പറഞ്ഞിരുന്നു. അതാണു ഞാന്‍ ഇതു വാങ്ങാന്‍ ഓടി വന്നത്. അമ്മയുടെ കൈയ്ല് പെങ്ങള്‍ക്കായി കൊടുത്തയക്കാനാണിത്. ഞാന്‍ ഡോളുമായി തിരിച്ചുവരുന്നത് വരെ അമ്മയെ ദൈവത്തിന്‍റെ അടുത്തേക്ക് പോകാനയക്കരുതെന്ന് അച്ഛനെ പറഞ്ഞു നിര്‍ത്തിയിട്ടാ ഞാന്‍ വന്നിരിക്കുന്നത്. എനിക്കീ ഡോള്‍ വേണം...”
ഒരു നിമിഷം എന്‍റെ ശ്വാസം നിശ്ചലമായി. അറിയാതെ കണ്ണുനിറഞ്ഞു. പൊടുന്നനെ എന്‍റെ മനസ്സിലേക്ക് രണ്ടുദിവസം മുന്നിലെ പത്രവാര്‍ത്ത ഫ്ളാഷ് ചെയ്തു.
‘മദ്യപിച്ചോടിച്ച ട്രക്ക് കാറിലിടിച്ച് കാര്‍ യാത്രക്കാരി പിന്‍-ജു ബാലിക തല്‍ക്ഷണം മരിച്ചു. യുവതിയായ കാര്‍ ഡ്രൈവര്‍ ഗുരുതരാവസ്ഥയില്‍’
ആ മരിച്ച ബാലികയുടെ സഹോദരനായിരിക്കുമോ ഇത്? ജീവിതത്തിലേക്ക് ഇനി ഒരിക്കലും തിരിച്ചുവരാത്ത വിധം ‘കോമ’ യില്‍ വീണുപോയ ആ പാവം യുവതിയുടെ മകനായിരിക്കുമോ ഇത്? അതെ എന്ന് മനസ്സ് ഉറപ്പിച്ച് പറയുന്നുണ്ടായിരുന്നു. മുഖത്തിലൂടെ ഊറിയിറങ്ങിയ കണ്ണുനീര്‍ തുടച്ചുകൊണ്ട് ഞാന്‍ എന്‍റെ പോക്കറ്റിലേക്ക് കൈയിട്ടു. കിട്ടിയ പണമെടുത്ത് ബാലനു നല്‍കിക്കൊണ്ട് പറഞ്ഞു.
"ഇതാ... മോനു ഡോള്‍ വാങ്ങാനുള്ള പണം അങ്കിളിന്‍റെ കൈയിലുണ്ട്."
സന്തോഷത്തോടെ കണ്ണുനീര്‍ തുടച്ചുകൊണ്ട് അവന്‍ സംസാരം തുടര്‍ന്നു.
“അങ്കിള്‍, ഇന്നലെ രാത്രി ഉറങ്ങുന്ബോള്‍ എന്‍റെ പെങ്ങള്‍ക്ക് വേണ്ടി ഈ ഡോള്‍ വാങ്ങാനുള്ള പണം തരണേ എന്ന് ഞാന്‍ ദൈവത്തോട് പ്രാര്‍ത്ഥിച്ചിരുന്നു. എന്‍റെ അമ്മയ്ക്ക് വൈറ്റ് റോസ് വളരെ ഇഷ്ടമായിരുന്നു. അതുംകൂടി വാങ്ങാനുള്ള പണം ഞാന്‍ ദൈവത്തോട് ചോദിച്ചില്ല. ആവശ്യത്തില്‍ കൂടുതല്‍ ദൈവത്തോട് ചോദിക്കുന്നത് നല്ലതല്ലെന്ന് കരുതിയാണ് ചോദിക്കാതിരുന്നത്. ദൈവം എന്‍റെ പ്രാര്‍ത്ഥന കേട്ടു. വൈറ്റ് റോസ് അടക്കം വാങ്ങാനുള്ള പണം ദൈവം എനിക്ക് തന്നു.”
ഒരു കൈയില്‍ ഡോളും മറുകൈയില്‍ വൈറ്റ് റോസുമായി കുട്ടി വീട്ടിലേക്ക് ഓടി.
അടുത്ത ദിവസം തന്നെ പുതിയ വാര്‍ത്ത പത്രത്തില്‍ വന്നു.
‘നാലു ദിവസം മുംബ് കാറപകടത്തില്‍ പെട്ട് ഗുരുതരാവസ്ഥയിലായിരുന്ന യുവതി മരണപ്പെട്ടു’
എനിക്ക് കണ്ണുനീര്‍ തുടക്കാന്‍ കഴിയുന്നില്ലായിരുന്നു. എല്ലാ കാര്യപരിപാടികളും മാറ്റിവച്ച് ഞാന്‍ രണ്ട് വൈറ്റ് റോസുമായി മരണവീട്ടിലേക്ക് നടന്നു.
മരണത്തിന്‍റെ മൌനം വീടിനെ പിടികൂടിയിരുന്നു. പരസ്പരം ഒന്നും സംസാരിക്കാതെ ആളുകള്‍ കൂട്ടം കൂട്ടമായി നില്‍ക്കുന്നു. വലതുകയില്‍ ഒരു വൈറ്റ് റോസുമായി ആ യുവതിയുടെ ചേതനയറ്റ ശരീരം നിലത്ത് പ്രദര്‍ശനത്തിനു വച്ചിരിക്കുന്നു. അവരുടെ നെന്‍-ജില്‍ ഭംഗിയുള്ള ഡോള്‍ കിടക്കുന്നുണ്ട്. മ്ര്തശരിരത്തിനടുത്ത് നിന്ന് കണ്ണുനീര്‍ വറ്റി ഏങ്ങലടിച്ച് കരയുന്ന സുന്ദരനായ ഒരു യുവാവിരിക്കുന്നു. അച്ഛാ, അച്ഛാ എന്നു വിളിച്ച്, അമ്മയെയും പെങ്ങളെയും ഇനിയും ഞാനൊരുപാട് സ്നേഹിക്കുന്നുവെന്ന് വിളിച്ച് പറയുന്നതുപോലെ എന്‍റെ ബാലന്‍ ആളുകളെയൊക്കെ നോക്കി നില്‍ക്കുന്നു.
പക്ഷെ, സ്നേഹിച്ചതും സ്നേഹിക്കുന്നതും മുഴുവനും മദ്യപാനിയായ ആ ട്രക്ക്ഡ്രൈവര്‍ എടുത്തുകൊണ്ടുപോയിരിക്കുന്നുവെന്ന് നിഷ്കളങ്കനായ എന്‍റെ ബാലനോട് ആരുപറഞ്ഞുകൊടൂക്കും???!!!
പാഠം : മദ്യപിച്ച് വാഹനമോടിക്കരുത്, മദ്യപിച്ച് വാഹനമോടിക്കരുത്, മദ്യപിച്ച് വാഹനമോടിക്കരുത്.
നിങ്ങളുടെ ഹ്ര്‍ദയത്തെ ഇത് സ്പര്‍ശിച്ചുവോ? നിങ്ങളുടെ മുന്നില്‍ രണ്ട് ഓപ്ഷനുകളുണ്ട്
1. ഇത് നിങ്ങളെ ശരിക്കും സ്പര്‍ശിച്ചിരിക്കുന്നു. നിങ്ങള്‍ പരമാവധി ആളുകളിലേക്ക് ഇത് ഫോര്‍വേഡ് ചെയ്യുന്നു.
2. നിങ്ങളെയിത് സ്പര്‍ശിച്ചേയില്ല, നിങ്ങളിത് ഇഗ്നോര്‍ ചെയ്യുന്നു.
നന്മകള്‍ നേര്‍ന്നുകൊണ്ട്,.

Saturday, August 27, 2011

വലിയ വലിയ എഴുത്തുകാര്‍ അരങ്ങു വാഴുന്ന ഈ ബ്ലോഗ്‌ സാമ്രാജ്യത്തില്‍ ഒന്നുമില്ലാതെ കടന്നു വന്നവനാണ് ഞാന്‍ ,കടന്നു പോകുന്നതും അങ്ങനെ തന്നെ ആകരുത് എന്നാ ആഗ്രഹം ഉള്ളത് കൊണ്ടാണ് ഞാന്‍ ഇപ്പോള്‍ ഇത് എഴുതാം എന്ന് തീരുമാനിച്ചത്
എഴുതി തുടങ്ങിയത് ഞാന്‍ പിന്‍ വലിക്കുകയാണ്‌ അതിനുള്ള സ്വാതന്ത്ര്യം എനിക്കുകുണ്ടല്ലോ ............പിന്‍ വലിക്കാന്‍ കാരണം ഞാന്‍ ഇതെല്ലാം എഴുതുന്നത് എന്റെ ജോലി സമയത്ത് ആണ്.എന്തെങ്കിലും എഴുതി തുടങ്ങുപോള്‍ എന്തെങ്കിലും വിവരമില്ലാത്ത കസ്റ്റമര്‍ വന്നു കയറും അവനു അറിയില്ലല്ലോ ഞാന്‍ അവന്റെ സാമ്പത്തിക മേഖലയെ പരിപോഷിപ്പിക്കാതെ മലയാള ഭാഷയെ പരിപോഷിപ്പിക്കാനായി കണ്ണില്‍ കണ്ട ചവറുകള്‍ എഴുതി കൂടുകയാണെന്ന് ......... വിവരം ഇല്ലാത്ത അറബി ഹല്ലാ പിന്നെ
ദാ പിന്നേം ഒരു കസ്റ്റമര്‍ .......@##%$@@%!!൬!((~%~%!@&^*?"":?}{}}{][[][%&%$#$%$#%$%$$$$%$%%$%*****"::":":"""'";';;'';';
മലയാളത്തില്‍ പറഞ്ഞത് കൊണ്ട് അവനു മനസിലയിട്ടുണ്ടാവില്ല
ഞാന്‍ പറഞ്ഞു വന്നത് ഈ ബ്ലോഗില്‍ എന്ത് മാറ്റം വരുത്താനുള്ള പൂര്‍ണമായ അധികാരം എന്നില്‍ നിക്ഷിപ്തം ആയിരിക്കുന്നു ............ അത് അങ്ങനെ തന്നെ ആണ് എന്നിരുന്നാലും ഞാന്‍ അത് എന്നെ തന്നെ ഒന്ന് ഒര്മിപ്പിച്ചതാണെന്ന് കരുതിയാല്‍ മതി
ഒരു പാട് ആള്‍ക്കാരുടെ ബ്ലോഗുകള്‍ ഞാന്‍ പരിശോധിച്ചപോള്‍ കണ്ടത് എല്ലാവരും സമകാലീന പ്രശ്നങ്ങള്‍ ചര്‍ച്ച ചെയ്യുന്നവരാണ് എന്നെ അതിനു കിട്ടില്ല കാരണം അതൊക്കെ ചര്‍ച്ച ചെയ്യണമെങ്കില്‍ നല്ല വിവരവും അതുപോലെ തന്നെ പരന്ന വായനയും വേണം ഞാന്‍ ആകെ പാടെ വായിക്കുന്നത് ബാലരമ ,പൂമ്പാറ്റ എന്നിവയൊക്കെയാണ് അതിലെവിടെയാ സമകാലീന പ്രശ്നങ്ങള്‍

Friday, August 26, 2011

ഓര്‍മ്മയുണ്ടോ ഈ മുഖം ?

ഓര്‍മ്മയുണ്ടോ ഈ മുഖം ?

മറന്നു കാണാന്‍ വഴിയില്ല്യ ………..

വായിച്ചു തുടങ്ങും മുന്‍പ് പറയട്ടെ….

ഇതൊരു ഓര്‍മ്മപെടുത്തല്‍ ആണ് …അറിയാത്തവര്‍ക്ക് ഇവരെക്കുറിച്ചറിയാനും മറന്നു തുടങ്ങിയവര്‍ക്ക് ഒന്നോര്‍മ്മിച്ചെടുക്കാനും വേണ്ടി മാത്രമുള്ളത് …ഇപ്പോള്‍ നടന്നു വരുന്ന ഒരു സമരവുമായോ , മുന്‍പ് നടന്ന യാതൊരു സമരങ്ങളുമായോ ഉള്ള ഒരു താരതമ്യ പഠനമല്ല ഉദേശിക്കുന്നത് …

ഇങ്ങനെയും ഇവിടെ ഒരാള്‍ജീവിച്ചിരിക്കുന്നുണ്ട് ….

നിരാഹാര സമരമെന്നോ അഹിംസ സമരമെന്നോ പറഞ്ഞാല്‍ , പഞ്ചനക്ഷത്ര സൌകര്യങ്ങളുള്ള പന്തലില്‍ കിടന്നുള്ള ആളെ പട്ടിയാക്കുന്ന കളിയല്ലയെന്നും , സമരമെന്നത് ലോകം മുഴുവന്‍ മാര്‍ക്കറ്റ്‌ ചെയ്തു ഉത്തരാധുനിക കപട സദാചാരമുഖപടം എടുത്തണിഞ്ഞു ഉന്നം വെച്ചിരിക്കുന്ന ഭരണ യന്ത്രക്കസെരകളിലെക്കുള്ള ഒളിഞ്ഞു നോട്ടം ആകരുതെന്നും സ്വന്തം ജീവിതം കുരുതികൊടുത്ത് നമ്മെ പഠിപ്പിച്ചുകൊണ്ടിരിക്കുന്ന ജീവിക്കുന്ന രക്തസാക്ഷി …..

കൂടുതല്‍ പറയുന്നതിന് മുന്‍പ് ആ മുഖത്തേക്ക് ഒന്നുകൂടെ ശ്രദ്ധിച്ചു നോക്കുക …

പത്ത് വര്‍ഷത്തെ പൂര്‍ണ്ണ ഭക്ഷണം ഉപേക്ഷിച്ചുള്ള ജീവിതം സമ്മാനിച്ചതാണ്‌ പിറന്നു വീണത്‌ മുതല്‍ കൂടെ ജനിച്ചതെന്ന് തോന്നിപ്പിക്കപ്പെടുന്ന ആ പ്ലാസ്റ്റിക്‌ കുഴല്‍ ..

ഇവരാണ് ഷര്‍മ്മിള (Irom Chanu Sharmila)…മണിപ്പൂരിലെ ഉരുക്ക് വനിതയെന്നറിയപ്പെടുന്ന, കവയിത്രിയും ,മനുഷ്യാവകാശ പ്രവര്‍ത്തകയും ആയ മുപ്പത്തെട്ടുകാരി … Armed Forces (Special Powers) Act, 1958 (AFSPA) നിരോധിക്കണമെന്നും , പുനരാലോചിക്കണം എന്നും പറഞ്ഞ് കഴിഞ്ഞ പത്ത് വര്‍ഷമായി ജലപാനമില്ലതെയും, ഊണും ഉറക്കവും ഉപേക്ഷിച്ചു, യഥാര്‍ത്ഥ നിരാഹാര സത്യഗ്രഹമെന്നോ ഗാന്ധി സമരമെന്നോ അതിനപ്പുറം എന്തെങ്കിലും വിശേഷണങ്ങള്‍ ഉണ്ടെങ്കില്‍ അതെല്ലാം ചാര്‍ത്തിക്കൊടുത്താലും പിന്നെയും പോര എന്ന് തോന്നുന്ന സമരം നടത്തി വരുന്ന ജീവിക്കുന്ന രക്തസാക്ഷി ….

അവര്‍ അല്‍ഭുധമാണ് …. ലോകത്തില്‍ തന്നെ ജീവിച്ചിരിക്കുന്ന ” ഏറ്റവും കൂടുതല്‍ കാലം ജലപാനമില്ലാതെ നിരാഹാരം അനുഷ്ടിച്ചു വരുന്ന ” മനുഷ്യജീവി …

2005 ലെ നോബല്‍ സമ്മാനത്തിനു പേര് നിര്‍ദ്ദേശിക്കപ്പെട്ട , അമ്പത്തിയോന്നു ലക്ഷം രൂപ സമ്മാനത്തുകയുള്ള ‘Rabindranath Tagore Peace Prize’ ലഭിച്ച, നിരവധി ദേശീയ -അന്താരാഷ്ട്ര അവാര്‍ഡുകള്‍ കൊണ്ട് ബഹുമാനിക്കപ്പെട്ട , ഇനിയുമൊരുപാട് അവാര്‍ഡുകള്‍ നേടാനിരിക്കുന്ന ഈ ധൃടനിശ്ചയത്തിന് മുന്നില്‍ മണിപ്പൂര്‍ സര്‍ക്കാരോ , അല്ലെങ്കില്‍ കേന്ദ്ര സര്‍ക്കാരോ മാത്രം മൌനം പാലിക്കുന്നു …

ആരാണിവര്‍ എന്നറിയെണ്ടവര്‍ക്ക് —

മണിപ്പൂര്‍ - 2000 നവംബറിലെ തണുപ്പുള്ള പ്രഭാതത്തില്‍ ബസ്‌ കാത്തു നില്‍ക്കുകയായിരുന്ന ഷര്‍മ്മിള എന്ന ഇരുപത്തെട്ടുകാരി പെണ്‍കുട്ടിക്ക് മുന്നിലൂടെ , അവിടേക്ക് ഇരച്ചെത്തിയ അസം റൈഫിള്‍സിലെ സൈനികര്‍ അവിടെ നിന്നിരുന്ന പത്തു നിരപരാധി സാധാരണക്കാരെ “ Armed Forces (Special Powers) Act, 1958 (AFSPA) ” എന്ന നിയമത്തിന്‍റെ പിന്‍ബലത്തില്‍ കഴുത്തറത്തിട്ടപോള്‍ , എന്ത് വിലകൊടുത്തും ആ നിയമം തടയും എന്ന് പ്രതിജ്ഞയെടുത്ത ഒരു സാധാരണ സ്ത്രീ …

അന്ന് വ്യഴാഴ്ച ആയിരുന്നതുകൊണ്ട് സാധാരണ എടുത്തു വരാറുള്ള ഉണ്ണാവ്രതം അന്നുതൊട്ട് ഈ നിമിഷം വരെ മുറ തെറ്റാതെ ഒരു ജീവിതചര്യയാക്കിയ സ്ത്രീ … ഈ നിമിഷം വരെ ജലപാനം കഴിക്കാത്ത അവരിന്നും ജീവിക്കുന്നത് , മൂക്കില്‍ ആരംഭിച്ചു വയറില്‍ എത്തി നില്‍ക്കുന്ന പ്ലാസ്റ്റിക്‌ കുഴലിലൂടെ ജീവന്‍ നിലനിര്‍ത്താന്‍ ആവശ്യമായ മരുന്നുകളും പോഷകങ്ങളും എത്തുന്നത് കൊണ്ട് മാത്രമാണ് …


ഇക്കഴിഞ്ഞ വര്‍ഷം , അവര്‍ മരിച്ചെന്നുവരെ പത്ര വാര്‍ത്തകള്‍ ഇറങ്ങിയിട്ടും ലോകമാകമാനമുള്ള എല്ലാവര്‍ക്കും ആശ്ചര്യമായി അവരിന്നും പോരാടുന്നു …

അന്താരാഷ്ട്ര തലത്തില്‍ നിന്നും കഴിഞ്ഞ ഏതാനം നാളുകളായി സമ്മര്‍ദ്ദം ഉണ്ടെങ്കിലും , മണിപ്പൂര്‍ സര്‍ക്കാരോ , ആരും തന്നെയോ ആ നിയമം തിരുത്തിയെഴുതാനോ , പുനരാലോച്ചനക്കോ എടുത്തിട്ടില്ല്യ . 2000ത്തില്‍ സമരം തുടങ്ങി മൂന്നാം ദിവസം മുതല്‍ ഇന്ത്യന്‍ പീനല്‍ കോഡിലെ 309 വകുപ്പ് പ്രകാരം “ആത്മഹത്യക്ക് ശ്രമിച്ചു “ എന്നാ കാരണം ചുമത്തി തുറുങ്കില്‍ അടക്കപ്പെട്ട അവരെ ,” നിര്‍ഭന്ധിത ജീവന്‍ രക്ഷ ശുശ്രൂക്ഷകള്‍ക്കായി , ഇപ്പോഴും അറെസ്റ്റ്‌ ചെയ്തും വിട്ടയക്കപ്പെട്ടും കൊണ്ടിരിക്കുന്നു …

പാവം അവര്‍ അറിഞ്ഞില്ല്യാലോ സമരം തുടങ്ങും മുന്‍പ് ആദ്യം വേണ്ടത് അതിനെ നന്നായി മാര്‍ക്കറ്റ്‌ ചെയ്യുക എന്നതാണെന്ന് !!! അല്ലെങ്കില്‍ നിരാഹാരസമരം ഒരു ഷിഫ്റ്റ്‌ പോലെ അനുഷ്ട്ടിക്കണമെന്നും അവരോടു പറയാന്‍ ആരും ഉണ്ടായിരുന്നില്ല്യ .. കൂട്ടുപിടിക്കാന്‍ ഭരണ -രാഷ്ട്രീയ രംഗങ്ങളിലെ അപ്പോസ്തലന്മാര്‍ ഉണ്ടായിരുന്നില്ല്യ ….
ഒന്നോ രണ്ടോ നേരം ആഹാരം കഴിക്കാതെ ഇരിക്കുംബോഴെക്കും , അതിനെ ഊതിപ്പെരുപ്പിച്ചു മഹാസംഭവമാക്കി ഭരണതലങ്ങളിലേക്ക് കടത്തി കൂച്ചു വിലങ്ങിടാന്‍ ആര്‍ക്കും താല്‍പ്പര്യം ഉണ്ടായിരുന്നില്ല്യ …

എന്തിനുവേണ്ടിയാണെങ്കിലും , ഒരു സാധാരണ സ്ത്രീ കഴിഞ്ഞ പത്തു വര്‍ഷമായി ഊണും ഉറക്കവും ഇല്ലാതെ ചത്ത്‌ ജീവിക്കുമ്പോള്‍.. അതിനെതിരെ , സര്‍ക്കാരുകള്‍ പ്രകടിപ്പിക്കുന്ന ഈ ഭീകര നിശബ്ദതയെ വരാനിരിക്കുന്ന തലമുറ എന്ത് വികാരത്തോടെ ഓര്‍ക്കുമെന്ന് വൈകിയവേളയിലെങ്കിലും ഓര്‍ത്താല്‍ മതിയായിരുന്നുവെന്ന് പ്രാര്‍ത്ഥിച്ചുകൊണ്ട് നിര്‍ത്തുന്നു

…നന്ദി …തല്‍ക്കാലത്തെക്ക് വിട ….

സ്വവര്‍ഗാനുരാഗം



ആദ്യം തന്നെ പറയട്ടെ , സ്വവര്‍ഗാനുരാഗം എന്ന തൊട്ടാല്‍ പൊള്ളുന്ന വിഷയത്തെക്കുറിച്ച് ആധികാരികമായി പറയാന്‍ ഞാന്‍ ആരുമല്ല …പക്ഷെ അടിസ്ഥാനപരമായി പക്വത ഇല്ലാത്തതുകൊണ്ടും അതുകേട്ടു ക്ഷമിക്കാന്‍ നിങ്ങളുള്ളതുകൊണ്ടും എനിക്ക് ദൈര്യമായി എന്ത് വിവരക്കേടും എഴുന്നെള്ളിക്കാം .. എന്ത് ചെയ്യാനാ ഞാന്‍ ഇങ്ങനെയൊക്കെ ആയിപ്പോയി..
കഴിഞ്ഞ ഒന്നാം ഓണത്തിനാണെന്ന് തോന്നുന്നു ഒരു ചെറു ചിരിയോടെ ഞങ്ങളുടെ ബോസ്സ് , സര്‍പ്രൈസ് ഗിഫ്റ്റ് എന്ന് പറഞ്ഞു ഒരു കവര്‍ വെച്ച് നീട്ടിയത് ….എന്തായാലും ഓണത്തിനടക്കം പണിയെടുക്കാന്‍ വിധിക്കപ്പെട്ടതിന്‍റെ എല്ലാ വേദനകളും ആ നിമിഷത്തില്‍ അലിഞ്ഞില്ലാതായി …മൂന്നു നാലു മാസമായി ഒരു ജീന്‍സും ഷര്‍ട്ടും എടുക്കാനായി പ്ലാന്‍ ചെയ്യുന്നു …
നിനക്ക് വേറൊരു ഉടുപ്പ് മേടിച്ചു കൂടെടാ ?
എന്ന് ഗ്രാമീണ നിഷ്ക്കളങ്കത നിറഞ്ഞ ചോദ്യം കേള്‍ക്കുമ്പോഴെല്ലാം ഞാന്‍ പറയും , സമയം കിട്ടണ്ടേ ? എന്ന് ..സത്യത്തില്‍ , കിട്ടുന്ന ശമ്പളം കൊണ്ട് എന്തെല്ലാം സര്‍ക്കസ് കളിച്ചാലാണ് ഒരു മാസം നീങ്ങിക്കിട്ടുക എന്ന് ദൈവത്തിനും എനിക്കുമേ അറിയൂ …
എന്തായാലും എം ജി റോഡിലൂടെ നീങ്ങി ജയലക്ഷ്മി സില്ക്സും തിയേറ്ററും കഴിഞ്ഞു കൊള്ളാവുന്ന കടയെന്നു തോന്നുന്ന ഒന്നില്‍ സുഹൃത്തിനോടൊപ്പം കേറി …കവറിനുള്ളില്‍ രണ്ടു ഗാന്ധിയപ്പൂപ്പന്‍റെ ചിരിക്കുന്ന ചിത്രവും വിശ്വസിച്ചുകൊണ്ടാണ് ഇറങ്ങിത്തിരിച്ചത് …ചെന്നയുടനെ അയാള്‍ ചോദിച്ചു , ഏതാ സൈസ് ??
ഞാന്‍ പറഞ്ഞു മുപ്പതിരണ്ടായിരിക്കും ….ഒന്ന് ചിരിച്ചുകൊണ്ട് അയാള്‍ പറഞ്ഞു അല്ല, സാറിന്‍റെത് മുപ്പത്തിനാലാ ..എനിക്കുറപ്പാ …..
ഞാന്‍ ഓര്‍ത്തു , ചിലപ്പോള്‍ ആയിരിക്കാം കുറെ കാലം ആയിരിക്കുന്നു ഡ്രസ്സ്‌ മേടിച്ചിട്ട് …
ഒട്ടും മടികൂടതേ അയാള്‍ ടേപ്പ് നീട്ടി , സമയം കുറച്ചു കഴിഞ്ഞിട്ടും അളന്നു കഴിഞ്ഞില്ല്യ …തിരക്കിട്ട് ഫോണ്‍ ചെയ്തു കൊണ്ടിരുന്ന സുഹൃത്തിനെ ഒരു നീരസത്തോടെ ഞാന്‍ നോക്കി ..
പിന്നെ നിമിഷ വേഗത്തിലാണ് എല്ലാം സംഭവിച്ചത് …അവന്‍ ഓടിയടുത് അയാളുടെ ടേപ്പ് തട്ടിത്തെറുപ്പിച്ചു അടിക്കാനായി കയ്യോങ്ങി ..അപ്പോഴേക്കും ഒന്ന് രണ്ടു സ്റ്റാഫ്‌ ഓടിയടുത്തു ക്ഷമ പറഞ്ഞു ..
..എനിക്കൊന്നും മനസിലായില്ല്യ … സുഹൃത്ത് അവരോടു ചോദിച്ചു ,..
ഇവനെ ഇനിയും മാറ്റിയില്ല്യെ ?
ഒരു പ്രാരബ്ധക്കരനാ സാറേ , ഇത്തവണത്തെക്കുകൂടി ക്ഷമിക്കൂ …
അവിടുന്ന് തിരിച്ചു പോകുമ്പോള്‍ ആണ് , സുഹൃത്തിന്‍റെവായില്‍ നിന്ന് ജീവിതത്തില്‍ ഞാന്‍ ആദ്യമായ് ആ പദങ്ങള്‍ കേള്‍ക്കുന്നത് ..
Homosexuality ..(lesbian .. gay), bisexuality, and transsexualism … ഞാന്‍ ജനിച്ചു വളര്‍ന്ന ഗ്രാമത്തില്‍ ഇതൊന്നും കേട്ടിട്ടില്ല്യ ..എന്നെ സംബന്ധിച്ചിടത്തോളം അതെല്ലാം പുതിയ പദങ്ങളാണ് …ഏതോ ഡിഗ്രികള്‍ പോലെ തോന്നിപ്പിക്കുന്ന ഒന്നു…വളരെ വിശാലമായി അവന്‍ എനിക്ക് ഈ പദങ്ങളെ പരിചയപ്പെടുത്തി ….
അത് കേട്ട് ഞാന്‍ പിറ് പിരുത്തുകൊണ്ടെയിരുന്നു ….
“ഇല്ല്യ എനിക്കിതൊന്നും അറിയില്ല്യ ..ലോകം എന്തൊരു വിചിത്രമാണ് ..പിന്നെയും പറഞ്ഞത് തന്നെ പറഞ്ഞു കൊണ്ടിരുന്നു “
Leave it dude ..World is like this too..നീ ഇനിയെന്തെല്ലാം കാണാനും പടിക്കാനുമിരിക്കുന്നു ..
എന്തായാലും അതിനു ശേഷം എല്ലാ അപരിചതരോടും , കുറച്ചൊരു ദൂര്രം വിട്ടു നില്ക്കാന്‍ ഞാന്‍ പോലും അറിയാതെ അബോധ മനസ്സ് ശ്രദ്ധികാറുണ്ട്..
അങ്ങനെ വര്‍ഷം ഒന്നര കഴിഞ്ഞിരിക്കുന്നു …അങ്ങനെ ഇരിക്കുമ്പോള്‍ ആണ് പുതിയ ചില കോലാഹലങ്ങള്‍ കേള്‍ക്കുന്നത് …
കഴിഞ്ഞ ദിവസം ചിലി എന്ന ചെറുകിട രാഷ്ട്രം സ്വവര്‍ഗവിവാഹം നിയമവിധേയമായി അങ്ങീകരിച്ചിരിക്കുന്നു ….. ചിലി ഉള്‍പ്പെടെ ഈ നിമിഷം വരെ പതിനൊന്നു രാഷ്ട്രങ്ങള്‍ സ്സ്വവര്‍ഗാനുരാഗം നിയമ വിശേയമാക്കിയിരികുന്നു …Argentina, Belgium, Canada, Iceland, the Netherlands, Norway, Portugal, Spain, South Africa,Sweden പിന്നെ ഇപ്പോ chily
സ്വവര്‍ഗാനുരാഗികള്‍ക്ക് സ്വന്തമായി ലോഗോയും , ലോകമാകെ പരന്നു കിടക്കുന്ന ആള്‍ക്കാരും ഉണ്ട് ..അവരുടെ അവകാശങ്ങള്‍ സംരക്ഷിക്കാനായി LGBT rights തന്നെയുണ്ട്
(lesbian and gay) bisexuality, and transsexualism ->(“LGBT”)
സാംസ്കാരിക പൈതൃകത്തിനു പേര് കേട്ട ഭാരതത്തില്‍ , ഇതിനെപ്പറ്റി കൂലംകുഷമായ ചര്‍ച്ചകള്‍ നടന്നു വരുന്നുണ്ട് …നിര്‍ഭാഗ്യവശാല്‍ ആഗോലവല്‍ക്കരണത്തിന്‍റെ നല്ല എല്ലാ വശങ്ങളും അവിടെ വക്കുകയാണെങ്കില്‍ , ഇങ്ങനെ കുറച്ചുകൂടെ അതിനു പുറകില്‍ ഉണ്ട്…നല്ലതോ ചീത്തയോ എന്നൊന്നും ആരും ആലോചിക്കാറില്ല്യ…അവര്‍ക്കാകാമെങ്കില്‍ എന്തുകൊണ്ട് നമുക്ക് ആയിക്കൂടാ എന്ന് വിവരമുള്ള പിള്ളേര്‍ ചോദിച്ചു തുടങ്ങിയിരിക്കുന്നു ..ചിലരുടെ അഭിപ്രായത്തില്‍ അവര്‍ വിവരം കേട്ട പിളെരാ .. സംസ്ക്കാരം എന്താണെന്ന് അറിയാത്തവര്‍ …
എന്തായാലും സുപ്രധാനമായ ഒരു വിധി കഴിഞ്ഞ മാസം ഡല്‍ഹി ഹൈക്കോടതി പുറപ്പെടുവിച്ചിരിക്കുന്നു …. ” പ്രായപൂര്‍ത്തിയായവര്‍ക്ക് അവരുടെ സമ്മതപ്രകാരം സ്വവര്‍ഗരതി ആകാം അതില്‍ തെറ്റില്ല്യ ..പണ്ട് ബ്രിട്ടിഷുകാര്‍ നല്ലതിനാണോ ചീത്തക്കാണോ എന്നറിയില്ല്യ , IPC 377 വകുപ്പ് എന്നൊന്ന് ഉണ്ടാക്കി , ഇതുപോലുള്ള എല്ലാ ബന്ധങ്ങളും നിയമത്തിനു എതിരാണ് എന്ന് എഴുതിചേര്‍ത്തു …പുതു തലമുറ അത് പൊളിച്ചെഴുതാന്‍ തയ്യാറെടുക്കുകയാണ് ..ഈ കാലത്ത് അത് നില നില്‍ക്കില്ല്യ എന്ന് കോടതി വിധിച്ചിരിക്കുന്നു, ..IPC 377 വകുപ്പ് നിലനില്‍ക്കാത്തതിനാല്‍ ഭാരതമൊട്ടാകെ അത് ബാധകമാണ് …അതായതു ഇവിടെയും അതൊക്കെ നിയമാനുസൃതമാണ് ….
നമ്മുടെ കേന്ദ്ര ആരോഗ്യ മന്ത്രി ഗുലാം അസാദ് , പുരുഷ സ്വവര്‍ഗാനുരാഗത്തെ രോഗം എന്നാണു വിശേഷിപ്പിച്ചത്‌ …പറഞ്ഞു നാവേടുക്കുന്നതിനു മുന്‍പേ . സ്വവര്‍ഗാനുരാഗികളുടെ സ്വന്തം ആളായ ബോളിവുഡ് നടി സെലീന ജെയ്‌റ്റ്‌ലി പറഞ്ഞു , “മാഷേ ഇരുപതു വര്‍ഷം മുന്‍പ് തന്നെ ലോകാരോഗ്യ സങ്കടന പോലും പറഞ്ഞിട്ടുണ്ട് അതൊരു രോഗമല്ലന്നു …ഇനിയിപ്പോള്‍ ഇന്ത്യ സ്വര്‍ഗത്തിന് താഴെ ഒന്നും അല്ലല്ലോ വരുന്നതെന്ന് “
ഷഹാന ഗോസ്വാമി അപ്പോഴേക്കും അടുത്ത വെടി പൊട്ടിച്ചു , ” പ്രായവും പക്വതയും നോക്കാതെ എല്ലാ സ്ത്രീകളെയും നിങ്ങള്‍ക്ക് ഉപയോഗിക്കാമെങ്കില്‍ ഇതു മാത്രം എങ്ങനെ രോഗമാകും എന്ന് …”
ഇവിടൊക്കെ അത് ഒളിഞ്ഞും തെളിഞ്ഞുമൊക്കെ അവിടവിടെ ഉണ്ട് …
ശ്രീനീവാസ് രാമചന്ദ്ര സിറാസ് എന്നാ മനുഷ്യനെ നിങ്ങള്‍ മറക്കാനിടയില്ല്യ സ്വവര്‍ഗരതി ആരോപണത്തില്‍ അകപ്പെടുകയും പിന്നീട് ആത്മഹത്യ ചെയ്യുകയും ചെയ്ത അലിഗഡ് സര്‍വ്വകലാശാലാ അധ്യാപകന്‍ …
വത്തിക്കാനിലെ ചില വൈദികര്‍ , അമ്പത്തിയേഴുകാരനായ ഫ്രാന്‍സ് പാര്‍ലമെന്ററി റിലേഷന്‍സ്‌ മന്ത്രി റോജര്‍ കരോട്‌ചി എനിവരെല്ലാം പരസ്യമായി രംഗത്ത് വന്നവരാണ് , പിന്നെ പടത്തിലെ യുവ കൊമാളനെ നിങ്ങള്‍ മറക്കാന്‍ ഇടയില്ല്യ …
ഇക്കഴിഞ്ഞ ഒരു ദിവസം അമേരിക്കയിലെ ന്യൂയോര്‍ക്ക് നഗരത്തില്‍ എഴുനൂറോളം സ്വവര്‍ഗാനുരാഗികള്‍ സമൂഹമധ്യത്തില്‍ വിവാഹിതരായി വാര്‍ത്തകളില്‍ സ്ഥാനം പിടിച്ചിരുന്നു …
സ്വവര്‍ഗാനുരാഗം സിനിമകള്‍ക്ക്‌ എന്നും തൊട്ടാല്‍ പൊള്ളുന്ന ഒരു വിഷയം ആയിരുന്നു … ശബാന അസ്മിയും നന്ദിതാ ദാസും പ്രധാന കഥാപാത്രങ്ങളെ അവതരിപ്പിച്ച ഫയര്‍ ( 1988 ) , ബേര്‍ഡ് കേജ് (1996), ഫിലഡല്‍ഫിയ (1993) എന്നിവയൊക്കെ ഇത്തരം വിഷയങ്ങള്‍ കൈകാര്യം ചെയ്ത പടങ്ങളാണ്
..നമ്മുടെ മലയാളത്തില്‍ സഞ്ചാരം എന്നൊരു ഐറ്റം ഇറങ്ങിയിരുന്നു …ഉള്ളത് പറയാമല്ലോ ( ഞാന്‍ പൊതുവേ സത്യം മാത്രമേ പറയാറുള്ളൂ ) അതൊരു കിടു പടം ആയിരുന്നു …വ്യത്യസ്തമായ തലത്തില്‍ കഥ പറഞ്ഞ അതിലെ സംവിധായകന് ഒരു നന്ദി പറയാന്‍ ഈ അവസരം ഉപയോഗിക്കുന്നു …വളരെ കഷ്ട്ടപ്പെട്ടാ ഞാന്‍ ആ പടം കണ്ടത് , വീട്ടില്‍ കണ്ടാല്‍ പിന്നെ നാട്ടില്‍ പോലും കേറ്റില്ല്യ …
മാനുഷിക മനസിന്‍റെ വളരെ ചെറിയ വഴി പിഴക്കലുകളെയും , നമ്മള്‍ ഇനിയും കാണാത്ത മനസിന്‍റെ മാനറിസങ്ങളെയുമൊക്കെ ആ പടത്തില്‍ നന്നായി കാണിച്ചിട്ടുണ്ട് …വളരെ നന്നായി എടുക്കപ്പെട ഒരു സിനിമ ആണത് …പാട്ടുകള്‍ പറയേണ്ട കാര്യമില്ല്യ , ആ പടം ശ്രദ്ധിക്കാന്‍ തന്നെ കാരണം അതിലെ പാട്ടുകളാണ് …
ഇനി നമുക്കൊന്ന് ആലോചിക്കാം , സത്യത്തില്‍ സ്വവര്‍ഗാനുരാഗം ഒരു പാപമാണോ …അതില്‍ ഉള്‍പ്പെടുന്നവര്‍ എല്ലാം രോഗികള്‍ ആണോ .. ചികിത്സക്ക് വിധേയമാക്കണോ,
ഞാന്‍ പറയുന്നത് മുഴുവന്‍ കേള്‍ക്കാനുള്ള ക്ഷമ ഉണ്ടാകുമെന്ന് പ്രതീക്ഷിച്ചു കൊണ്ട് തുടര്‍ന്നെഴുതട്ടെ ….വ്യക്തിപരമായി എനിക്കതിനോട് തീരെ യോജിപ്പില്ല്യ ..കാരണം ഞാന്‍ അതെപ്പറ്റി അറിയുന്നത് തന്നെ ഈയടുത്താണ് …പക്ഷെ ഒന്നുണ്ട് നമുക്കൊരു കാര്യത്തെപ്പറ്റി അറിയില്ല്യ എന്നതുകൊണ്ട്‌ മാത്രം ബാക്കിയെല്ലാം തെറ്റാകുന്നില്ല്യ ….
സ്നേഹം അന്ധമാണ്‌ എന്നത് ശരിക്കും കുറിക്കു കൊള്ളുന്നത്‌ ഇത്തരം സാഹചര്യങ്ങളിലാണ് ..ആര്‍ക്ക് ആരോട് എപ്പഴാണ് സ്നേഹം തോന്നുന്നത് എന്നൊന്നും പറയാന്‍ പറ്റില്ല്യ , വേറെ ഒരു പ്രധാനപ്പെട്ട കാര്യം കൂടെ ഉണ്ട് സ്വവര്‍ഗാനുരാഗത്തെ ലൈംഗികതയുമായി കൂട്ടിക്കുഴക്കാന്‍ ശ്രമിക്കുംമ്പോഴാണ് എല്ലാ പ്രശ്നങ്ങളും ഉണ്ടാകുന്നത് … വിവാഹം എന്നത് കേവലം ശാരീരിക ബന്ധങ്ങളില്‍ മാത്രം ഒതുങ്ങുന്ന ഒന്നല്ലല്ലോ …അത് അതിനെക്കാളും എത്രയോ ഉയരത്തിലാണ് …പരസ്പര വിശ്വാസവും , സംരക്ഷണയും അധിസ്ഥിതമായ ഒരു വാഗ്ദ്ധനമാണ് വിവാഹം എന്നാണു അറിവുള്ളവര്‍ പറഞ്ഞിരിക്കുന്നത് … കെട്ടാത്തത് കൊണ്ട് കൂടുതല്‍ പറയാന്‍ ഞാന്‍ ആളല്ല ……അങ്ങനെ നോക്കുമ്പോള്‍ സ്വവര്‍ഗവിവാഹം തെറ്റുണ്ടോ ..
സ്നേഹിക്കുന്നത് ഒരു കുറ്റമല്ല …യാതൊരു വിധ മുന്‍ധാരണയും കൂടാതെ , ഒന്നും നോക്കാതെ പൊട്ടി മുളക്കുന്നതാണല്ലോ യഥാര്‍ത്ഥ പ്രേമം ..അങ്ങനെ പറയുകയാണെങ്കില്‍ അതൊരു രോഗമല്ല …ഇനിയിപ്പോള്‍ അതൊരു രോഗമാണെന്ന് തന്നെ വക്കുക .. അങ്ങനെയെങ്കില്‍ അത്തരം രോഗികളെ സമൂഹത്തില്‍ ഇങ്ങനെ അലയാന്‍ വിടാതെ അവരെ ഒരുമിച്ചു വിടാം …ബാക്കിയുള്ളവര്‍ക്കും അതായിരിക്കും നല്ലത് …
അടിച്ചമാര്‍ത്തപെടുന്ന ഒന്നും തന്നെ എല്ലാ കാലത്തും അടങ്ങിയിരിക്കില്ല്യ , അതുകൊണ്ട് രൂക്ഷമായി അവ പോട്ടിത്തെറിക്കുന്നതിനു സാഹചര്യം ഒരുക്കാതേ ഡല്‍ഹി വിധിയോടു ഒന്നും മിണ്ടാതെ യോജിക്കുകയെ നിവൃത്തിയുള്ളൂ …
ഇന്ത്യയിലെ ഒരു മതവും ഇത്തരമൊരു ഏര്‍പ്പാടിനെ ന്യായീ കരിക്കുന്നില്ല്യ ..അതങ്ങനെ ആകാനെ തരമുള്ളൂ ….വന്നു വന്നു കാലം വളരെ മോശമായിരിക്കുന്നു , ഇതിപ്പോ ബാച്ചിലേര്‍സ് ഒരുമിച്ചു താമസിച്ചാല്‍ സംശയത്തോടെ വീക്ഷിക്കുന്ന രോഗാതുരമായ ഒരു സമൂഹം ഇവിടെ വരരുതേയെന്ന് ആത്മാര്‍ഥമായി പ്രാര്‍ത്തിക്കുന്നു …യഥാര്‍ത്ഥ സുഹൃത്ത് ബന്ധം പോലും മനസിലാക്കാതെ തെറ്റിദ്ധരിക്കുന്ന ചില കണ്ണുകള്‍ നാളെ ഈ ലോകത്തെ നോക്കി മിഴിക്കാന്‍ തുടങ്ങിയാല്‍ , ദൈവമേ !! കൃഷ്ണ ഇതാണോ അങ്ങ് പറഞ്ഞ കലികാലം !!!
വാല്‍ക്കഷണം : ഓസ്ട്രല്യന്‍ മന്ത്രി പെന്നി വോങ്ങിനും ജീവിത പങ്കാളി സോഫി ആലോച്ചെക്കും കൂടി കുട്ടി ജനിക്കാന്‍ പോകുന്നു !!!!!
നെറ്റി ചുളിക്കണ്ട …. കൃത്രിമ ഗര്‍ഭധാരണത്തിലൂടെയാണ്( IVF ) സോഫി ഗര്‍ഭിണിയായത് .
…നേരെ ചൊവ്വേയുള്ള വഴി കിടക്കുമ്പോള്‍ ഇങ്ങനെ വളഞ്ഞു പിടിക്കെണ്ടിയിരുന്നോ എന്നാണെന്‍റെ സംശയം …..
എന്തൊക്കെയായാലും ഒന്ന് മാത്രം , മാനുഷിക മൂല്യങ്ങളും സംസ്കാരവും മുറുകെപ്പിടിച്ചുള്ള എന്ത് വേണമെങ്കിലും വന്നോട്ടെ …
ചിലപ്പോ വിവരമില്ലാത്ത അപക്വമായ മനസുള്ളതോണ്ടായിരിക്കാം എനിക്കിത് പെട്ടെന്ന് ദഹിക്കുന്നില്ല്യ …
വല്ല വിവരക്കേടും പറഞ്ഞുപോയെങ്കില്‍ അറിയാല്ലോ ..അടിസ്ഥാനപരമായി പക്വത ഇല്ലാത്തതുകൊണ്ടാണ് !!!!
എല്ലാവര്‍ക്കുമായി , നേരത്തെ സൂചിപ്പിച്ച സന്‍ജ്ജാരത്തിലെ ഒരു ഗാനമിതാ…വീണ്ടും കാണുന്നവരെ വിട ….



കടപ്പാട് : എഴുതിയ അജ്ഞാതനായ കൂട്ടുകാരനോട്