Wednesday, February 6, 2013

ഹാപ്പി ഡെയ്സ് -കഥ തുടരുന്നു

തിരിച്ചു വീണ്ടും കലാലയ ജീവിതത്തിലേക്ക് പോകണം എന്ന് ആഗ്രഹം തുടങ്ങിയിട്ട് നാളുകള്‍ കുറച്ചായി ,കാരണം എന്റെ ജീവിതത്തില്‍ എന്തെല്ലാം നല്ല നല്ല സംഭവങ്ങള്‍ ഉണ്ടായിട്ടുണ്ട് എന്നിരുന്നാലും ആ കലാലയ ജീവിതം ഇന്നും എന്റെ ഓര്‍മകളില്‍ തളിത്തങ്ങനെ നില്‍ക്കുകയാണ് .എന്തെല്ലാം ഓര്‍മ്മകള്‍ കൂടുതലും കുരുത്തക്കേട്‌ ആണെങ്കിലും ഓര്‍ക്കുമ്പോള്‍ സുഖമുള്ള ഒരു നൊമ്പരം

റാഗ്ഗിങ്ങിന്റെ പേരില്‍ സീനിയേര്‍സ് എന്റെ കണ്ണ് ഇടിച്ചു പൊട്ടിച്ചതു മുതല്‍ എന്തെല്ലാം ഓര്‍മ്മകള്‍ ,സിനി റ്റീച്ചരിന്റെ ആദ്യ ക്ലാസ് ,കാന്റീന്‍ കിണറിന്റെ മുകളിലെ വായിനോട്ടം ,സുഹറ ടീച്ചറിന്റെ കണക്ക് ക്ലാസ് ,ഇലക്ഷന്‍ ,സമരം,അടിപിടികള്‍ ,ഫാക്ടറി വിസിറ്റ് എന്ന പേരില്‍ ഗോവയില്‍ പോയത് എല്ലാം ഇന്നലെ കഴിഞ്ഞതുപോലെ ഓര്‍മയില്‍ മാറി മാറി വരുന്നു .

പ്രാരംഭം

കോളേജിലെ ക്ലാസ്  തുടങ്ങിയ ആദ്യ ദിവസം ,രസതന്ത്ര വിഭാഗത്തിന്റെ പരിചയപ്പെടല്‍ കഴിഞ്ഞു .മൂന്നാമത്തെ പിരീഡ് -കംപ്യുട്ടര്‍ ആപ്ലിക്കേഷന്‍ .ഒരു കാര്യം ഉണ്ടായിട്ടല്ല ,യുനിവേര്‍സിറ്റി ആറു വിഷയം തികക്കാന്‍ ചേര്‍ത്ത ഒരു വിഷയം എന്ന് ആര്‍ക്കായാലും തോന്നിപോകും  അല്ലങ്കില്‍ പിന്നെ പെട്രോ കെമിക്കല്‌സും കംപ്യുട്ടര്‍ ആപ്ലിക്കേഷനും തമ്മില്‍ എന്ത് ബന്ധം .പഴം പുഴുങ്ങിയതും ഇറച്ചിക്കറിയും പോലെ .അത് കൊണ്ട് തന്നെ ഇത് കേട്ടപ്പോള്‍ തന്നെ തീരുമാനിച്ചു ഇത് ശരിയാവില്ല എന്ന് .എന്നാലും ക്ലാസ്സില്‍ തന്നെ ഇരുന്നു ,എന്തെങ്കിലും ഗുണം ഉണ്ടായാലോ?? ടീച്ചര്‍ വന്നു ആ പ്രതീക്ഷയും തീര്‍ന്നു ഒരു ഗുണവും ഇല്ല .

ടീച്ചര്‍ ഓരോരുത്തരെ ആയി പരിചയപെട്ടു .എന്റെ ഇടതു വശത്തെ കസേരയില്‍ സജാസ് ,എന്റെ അതെ പ്രായം അതായത് സീനിയര്‍ സിട്ടിസന്‍ .വലതു വശത്തെ കസേരയില്‍ ജെസില്‍ പ്രായം കൊണ്ട് സീനിയര്‍ അല്ല എന്നാലും കട്ടക്കു നിക്കും (അതെനിക്ക് രണ്ടു ദിവസം കഴിഞ്ഞാണ് മനസിലായത് )ടീച്ചര്‍ ക്ലാസ് തുടങ്ങി ,ടീച്ചര്‍ കമ്പ്യുട്ടറിനെ പറ്റി പറഞ്ഞു തുടങ്ങി .ഞാന്‍ മനസ്സില്‍ "ഓ ഇത് നമ്മളു കൊറേ കേട്ടിട്ടുണ്ട് " എന്ന ഭാവവുമായി വലതു വശത്തേക്ക് നോക്കി അവിടെ ബഹിരാകാശത്തിലേക്ക്  റോക്കറ്റ്‌ വിടുമ്പോള്‍  ശാസ്ത്രന്ജന്മാരുടെ മുഖത്ത് ഉണ്ടാകുന്ന അതെ ഭാവത്തോടു കൂടി ടീച്ചറിന്റെ മുഖത്തോടു നോക്കിയിരിക്കുന്ന ജെസില്‍ .ഞാന്‍ ആകെ തകര്‍ന്നുപോയി ദൈവമേ ഈ സാത്തന്മാരുടെ ഇടയിലാണല്ലോ എന്നെ തള്ളിയിരിക്കുന്നത് .തകര്‍ന്ന മനസ്സുമായി ഞാന്‍ ഇടതു വശത്തേക് നോക്കി ,ഹാവു ആശ്വാസം ആയി ,എന്റെ മുഖത്ത് കണ്ട അതെ പുച്ഛഭാവം അവന്റെ മുഖത്തും കാണാം .ഇവനും ഇത് കുറെ കേട്ടിട്ടുണ്ടെന്ന് എനിക്ക് മനസിലായി .എന്നാല്‍ പിന്നെ കുറച്ചു ലോക കാര്യങ്ങള്‍ എന്ന് ഞങ്ങള്‍ തീരുമാനിച്ചു .അതൊരു തെറ്റാ ................??????അല്ലേയല്ല എനിക്കത് മനസിലാകും ,സജാസിനും അത് മനസ്സിലാകും ,വായിക്കുന്ന നിങ്ങള്‍ക്കും അത് മനസ്സിലാകും പക്ഷെ ക്ലാസ് എടുക്കുന്ന ടീച്ചര്‍ക്ക് മാത്രം അത് മനസിലായില്ല .

"ബോത്ത്‌ ഓഫ് യു സ്റ്റാന്റ് അപ്പ്‌ " ആഗോള താപനത്തെ പറ്റി ഞങ്ങള്‍ ചര്‍ച്ച തുടങ്ങിയപ്പോള്‍ ആണെന്ന് തോന്നുന്നു എവിടെയോ കേട്ടപോലെ ഈ ശബ്ദം എന്റെ ചെവിയില്‍ മുഴങ്ങുന്നത് .മുന്‌പരിചയത്തിന്റെ പുറത്താണോ എന്തോ കേട്ടപ്പോള്‍ തന്നെ ഞാന്‍ ചാടി എഴുന്നേറ്റു .ഇടത്തോട്ടു തിരിഞ്ഞു നോക്കിയപ്പോള്‍ 'ഞാനുമൊ?'എന്ന മുഖഭാവത്തോടെ 'എന്നെ തന്നെ' എന്ന ആംഗ്യത്തൊടെ നമ്മുടെ കൂട്ടുപ്രതി അവിടെ തന്നെ ഇരിക്കുന്നു .ശെടാ ഞാന്‍ മാത്രം ശശി ആയല്ലോ എന്ന് ചിന്തിച്ചു തീരുന്നതിനു മുന്‍പ് തന്നെ "യു റ്റൂ" എന്ന് കേട്ടപ്പോള്‍ എനിക്കുണ്ടായ ആശ്വാസം പറഞ്ഞറിയിക്കാന്‍ പറ്റാത്തതായിരുന്നു .അത് അല്ലങ്കിലും അങ്ങനെ തന്നെ ആണ് .ഒരു പ്രശ്നത്തില്‍
ഒറ്റക്ക് പെടുമ്പോള്‍ ഉള്ള അവസ്ഥയും കൂട്ടുകാരന്‍ കൂടെ ഉള്ള അവസ്ഥയും തികച്ചും വ്യത്യസ്തമാണ് .അത് തന്നെ ആണ് സുഹൃത്ത് ബന്ധത്തിന്റെ
ഉലകമയ രീതിയും

catche memmory എന്നാല്‍ എന്താണ്????ടീച്ചര്‍ ഒരു ദയയും കൂടാതെ , സദാം ഹുസൈനെ കണ്ട അമേരിക്കന്‍ പട്ടാളക്കാരനെ പോലെ ഞങ്ങളുടെ നേരെ വെടിയുതിര്‍ത്തു .ആന്ധ്രയില്‍ നിന്നും തമിഴ് നാട്ടില്‍ എത്തിയ മിസോറാംകാരനെ പോലെ സജാസ് ടീച്ചറിനെ ഒന്ന് നോക്കി പിന്നെ പ്രതീക്ഷയോടെ എന്നെയും.അവന്റെ നോട്ടം കണ്ടപ്പോഴേ എനിക്ക് മനസ്സിലായി അവനു ടീച്ചര്‍ പറഞ്ഞ ഭാഷ ഏതാണെന്നു പോലും മനസ്സിലായില്ല പിന്നയല്ലേ ചോദിച്ച ചോദ്യം

"യു " ഒരു പരിഗണയും കൂടാതെ സജാസിന്റെ കയ്യില്‍ നിന്നും ചോദ്യം എന്റെ നേരെ .ടീച്ചറിന്റെ വയ്പ്പ് പല്ലാരുങ്കില്‍ അത് ഊറി തെറിച്ചു പോയേനെ എന്നാണ് എനിക്ക് തോന്നിയത് . ആ ക്ലാസ്സിലെ എല്ലാവരുടെയും നോട്ടം സജാസിന്റെ മുഖത്ത് നിന്നും എന്റെ മുഖത്തേക്ക് മാറിയത് ഞാന്‍ അറിഞ്ഞു . കഴിഞ്ഞ വര്‍ഷത്തെ ഓര്മ വച്ച് ആണോ എന്തോ ഞാന്‍ ഉടനടി ഉത്തരം പറഞ്ഞു"ഞാന്‍ ഇന്നലെ വന്നിട്ടില്ലാരുന്നു ടീച്ചര്‍ "എന്നെ നോക്കിയിരുന്ന എല്ലാ മുഖങ്ങളിലും ഞെട്ടല്‍ ഞാന്‍ കണ്ടു കൂടുതല്‍ ഞെട്ടിയത് ടീച്ചര്‍ തന്നെയാണ് .

 ടീച്ചര്‍ പൂര്‍വസ്ഥിതിയിലേക്ക് മടങ്ങാന്‍ കുറഞ്ഞത് 5 നിമിഷം എങ്കിലും എടുത്തു .എന്നിട്ട് വളരെ ശാന്തമായി ഞങ്ങളെ നോക്കി പറഞ്ഞു "നീയൊന്നും പഠിക്കാന്‍ വരണ്ടാവനല്ല നീയൊക്കെ വല്ല കപ്പലണ്ടി കച്ചവടത്തിനും പോകുന്നതാ നല്ലത് ,മനുഷ്യനെ മെനക്കെടുത്താന്‍ ഓരോന്ന് വന്നോളും"

ആഹാ സംതൃപ്തിയായി ,ആ ടീച്ചറോട് എനിക്ക് ബഹുമാനം തോന്നി .പുതിയ കോളേജില് പുതിയ ക്ലാസ്സില്‍ ആദ്യത്തെ ദിവസം തന്നെ ഞങ്ങളെ മനസ്സിലാക്കി കളഞ്ഞല്ലോ കൊച്ചു കള്ളി .......

ഇനി വരുവാനിരിക്കുന്ന നാല് വര്‍ഷത്തിന്റെ സൂചനയായി തുടക്കം ഗംഭീരം ആയിരിക്കുന്നു ....

സജാസിനെ നോക്കി ഞാന്‍ മനസ്സില്‍ പറഞ്ഞു "സംതൃപ്തി ആയി സദീര്‍ത്യാ സംതൃപ്തി ആയി
                                                                                                                                ( തുടരും.........)